Càite is ciamar a faighear Gàidhlig ionnsachadh?
’S e ionnsachadh ar ciad chànan deagh dhòigh air faighinn a-steach do dhualchas làidir Innse Gall - bho iarrtas airson blas beag gu iarrtas a bh’ agad o thùs a bhith fileanta ann an seann chànan nan Gaidheal. San earrainn seo, gheibhear cuid de chlasaichean is chùrsaichean Gàidhlig a tha an Innse Gall a tha dealbhte gus do chuideachadh a’ coileanadh an amais sin.
Mura faigh thu gu aon de sgoiltean samhraidh na bliadhna seo, agus nach eil thu idir airson Gàidhlig ionnsachadh tro fhoghlam fosgailte, nach ceannaich thu aon de na leabhraichean mìorbhaileach a tha rim faotainn gus do chuideachadh ag ionnsachadh beagan den chànan àlainn mus dèan thu do shlighe gu Innse Gall. Feuch an clàr aig www.GaelicBooks.net.
Air an làimh eile, ma tha thu airson a dhol nas fhaide le ionnsachadh na Gàidhlig, is gun còrdadh bogadh sa Ghàidhlig airson bliadhna riut, nach gabh thu bliadhna dheth airson fuireach ann an àite sònraichte: àite far am bi thu ag obair air do cheòl, ag ionnsachadh cànan, is gad bhogadh fhèin ann an dualchas beòthail. Faigh tuilleadh fiosrachaidh mu Cholaisde Bheinn na Faoghla Further Education Diploma in Gaelic Language and Music.
Le ùidh dhaoine ann an Gàidhlig a’ sìor fhàs, tha barrachd roghainnean ionnsachaidh rim faotainn. Cùm do shùil air an làraich seo airson fiosrachadh agus cùrsaichean ùra!
|
